عربدة الضوضاء

حركة النهضة: حزب التجمع بيس

نبقى دائما مستغرب علاش جماعة العلمانيين معلنين حرب عشواء ضد حركة النهضة واتباعها منذ حصولها على ترخيص العمل القانوني بعد الثورة اللي مات من اجلها اللي مات وتجرح اللي تجرح وتحط في الحبس اللي تحط وتطرد من مقاعد الدراسة ( كي حالي انا) اللي تطرد.
حملة العلمانيين في حقيقة الامر ماهيش جديدة. بل كانت مستعرة حتى في فترة الاستبداد. لكن خلينا نقول كانت باقل حدة واخف الوتيرة مما هو عليه الحل هذه الاشهر.
وانا بصراحة بديت نتقلق من تقلق العلمانيين على خاطر ثمة حزب مدني (امى اتباعو الكلهم يصليو وبناته الكل تبس خمار، ونهار الكل يدافع عن الشريعة ويستغل في المساجد) اسمو النهضة في البلاد حاز على ثقة مليون وثلث من جملة 10 مليون تونسي.
علاش انا متقلق؟
للاسباب الآتية ذكره اسفله:
-الزوز ملايين اعضاء التجمع اللي كانوا يطبلوا لبن علي صباحا مساء، وبفضل طحينهم تمكن بن علي وبطانته من سلب البلاد وهتك الاعراض وما علمه الناس وما لم يعلمه بعد الثورة، لابد من ان يتوفر حزب شبيه للتجمع قادر على اعادة جمعهم لآداء نفسه الدور: التطبيل صباحا مساء ويوم الجمعة.

-الجهل المستشري اللي خلفتو سياسة التصحر الثقافي والفكري اثناء حكم بن علي اللي عن طريقه استطاع ترويض المجتمع وتقليم اظافر نخبته، لا بد من ان يواصل نفس المهمة القديمة: توفير ملايين من المعيز التي ترضخ لعصا الراعي، ويسهل اقتيادها من طرف الكلاب. كلاب الحراسة اللي خدموا نظام بن علي . هاهم اليوم يخدموا في الراعي الجديد بعد ما قطّع الراعي القديم،

-لولا النهضة لما عرفنا عدد تجار الدين ومستعمليه اللاهثين على المناصب السياسية. بانتخابات المجلس التأسيسي ولينا نعرفوا قداش من سمسار دين في تونس، باش كي تصير غربلة اخرى في المستقبل كيما صار بمنع التجمعيين من الترشح لانتخابات المجلس التأسيسي اهوكا القائمة حاضرة ومقيدة عند الهيئة العليا المستقلة للانتخابات.

على عكس برشة علمانيين، النهضة ما تمثلش خطر على المكاسب الحداثية والعصرانية للبلاد على خاطر، التوانسة اللي اسقطوا بن علي كان بسبب الجوع والفقر والبطالة. والتمشديق متاع الدين اللي توة حركة النهضة قاعدة تخدر بيه في الناس، سرعان ما سينقشع كي يشوفوا انو حركة النهضة ليست سوى حزب التجمع بيس. وقتها النهضة تقول يا ليتني.

20120323-181852.jpg

Publicités
Cette entrée a été publiée le 23 mars 2012 à 5:17 . Elle est classée dans سياسة et taguée . Bookmarquez ce permalien. Suivre les commentaires de cet article par RSS.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :